Skrípaleikur ríkisstjórnarinnar!

Hvenær ætli ríkisstjórnin okkar svokallaða ætli að læra það að okkur mun ekkert miða áfram í deilunni við nágranna okkar í Bretlandi og Hollandi með því að leyna hvort annað upplýsingum sem birtast okkur í sambandi við þetta mál! Fyrir flestum sem ég hef talað við liggur það í augum uppi að samskipti eru besta leiðin til árangurs.  Það þýðir ekkert að liggja á mikilvægum upplýsingum og þykjast svo ekkert vita! Þó finnst mér eins og það séu vinnubrögðin eins og staðan er í dag.

Veit ég vel að framsókn og sjálfstæðisflokkurinn eru ekki ábyrgðarlaus í þessu máli en þeir mega eiga það að þeir hafa opinberlega viðurkennt mistök sín og reynt að feta á beinu brautina aftur.  Annað má segja með hina skrípakarlana.  Ekkert af þessu er þeirra sök og alltaf virðast flokkarnir - (einhverjir aðilar í ÖLLUM flokkum) eiga auðvelt með að benda á sökudólginn.

Hver er tilgangurinn að halda alltaf þessa blessuðu fundi þegar þeim miðar ekkert áfram, eða láta eins og þeim miði ekkert áfram, því þannig lítur þetta jú út.  Eitthvað er þarna að baki sem ALLTOF fáir vita og spurning mín er því þessi: "Hvað er það sem er svona MERKILEGT að enginn má vita? og af hverju er verið að leyna upplýsingum um svona viðamikið mál?"

Það sem ég held að ríkistjórnin verði að átti sig á er það að sá leikur sem þau leika mun koma aftan að þeim.  Þetta er að sjálfsögðu bara mín skoðun á þessu máli - og auðvitað sýnist sitt hverjum!

Innst inni trúi ég því að þessir ICESAVE samningar séu eitthvað sem íslenska ríkinu beri ekki að borga án aðstoðar.  Ég trúi því þar til annað kemur í ljós, ef það einhvern tímann kemur í ljós fyrir víst! En það er víst of seint úr þessu.

Í.H

 

Langur en rýr fundur