Þvílíkt og annað eins rugl!

Þrátt fyrir að ég sé framsóknarkona í húð og hár - þá verð ég nú samt að segja að þessi ákvörðun  kemur ekki til með að fá minn stuðning!

Af hverju í ósköpunum ætti flokkurinn svo sem að fara í meirihluta með D-inu aftur!? Ég veit ekki betur en svo að flokkurinn hafi komið mjög illa útúr þessu samstarfi síðast og af hverju þá að fara sjálfviljugir aftur til baka? í sama skítinn? - Mitt mat er það að við framsóknarmenn eigum að leyfa þessum meirihluta bara að skíta enn þá meira í buxurnar heldur en þeir hafa gert nú þegar. 

Fyrir síðustu kosningar fengu framsóknarmenn að heyra það - allt sem miður fór á kjörtímabilinu á undan var þeim að kenna.  Eða allavega flest.  Ég var að verða gráhærð á að hlusta á pólitíkusa snúa baki við vandamálunum  og kenna einhverjum öðrum um.  Þvílík leikskólabörn!

En nei, aftur kemur sjálfstæðisflokkurinn með skottið á milli lappana leitandi að aðstoð eftir að hafa fengið skammir fyrir að skíta upp á bak frá engum öðrum en þjóðfélaginu sjálfu. - og hjá hverjum leita þeir eftir aðstoð?  Framsóknarflokknum - sem þeir voru engan veginn nógu ánægðir með fyrr á þessu tímabili.  Og hvað gerir Framsókn?  - Framsóknarflokkurinn sér völd og stekkur í fangið á þeim!  Í stað þess að leyfa þeim bara að sanna sig sjálfum eins og þeim hefur gengið svona gríðarlega vel með upp á síðkastið!!

Írish - sem er afskaplega ÓÁNÆGÐ! 

Nýr meirihluti að fæðast

Athugasemdir

[Róbert Þórhallsson, 14.8.2008 kl. 22:09]

Það var alltaf vitað að þetta myndi gerast aftur á endanum. Þetta samspil með F-listanum var bara sjónarspil.

[Brynja Svanhvít Lúðvíksdóttir (IP-tala skráð) 15.8.2008 kl. 20:00]

Sjóðheitt blogg Íris:)Svona er þessi pólitík.....svo verða allir voða góðir þegar nálgast kosningar:)Æh,ég er alltaf meira og meira að missa trúna á ráðamönnum þessa lands,því miður.En þú skalt halda áfram að vera Framsóknarkona,þetta er góður flokkur með mjög mikið af hæfu fólki en þetta er samt kannski of langt gengið.

Kveðjur!

[Sölvi Breiðfjörð , 19.8.2008 kl. 06:47]

Ég les að sumum er heitt í hamsi þessa daganna, sem er bara gott mál því þessi déskotans vitleysa þarna í borginni er að gera alla gráhærða. Búið er að mynda fjórða meirihlutann á sama kjörtímabilinu, það á bara að blása til nýrra kosninga í borginni og sjá þá hvað fólkið virkilega vill. En það er spurning hvort fólk myndi nokkuð kjósa því það er orðið svo þreytt á þessu liði, svo það nýjasta að Gísli Marteinn hafði hugsað sér að sitja áfram í borgarstjórn á meðan hann er að læra og láta fólkið í borginni borga, þetta er bara skrípaleikur og ekkert annað.

En annars gaman að heyra eitthvað frá þér.